முளைக்கீரை ஃப்ரைடு ரைஸ்

தேவையான பொருட்கள் :

பிரியாணி அரிசி - 1 ஆழாக்கு

முளைக்கீரை கட்டு - 3

பெரிய வெங்காயம் - 3

நெய் - 1 டீஸ்பூன்

எண்ணெய் - 3 டீஸ்பூன்

எலும்பிச்சம் பழம் - 1

முந்திரிப்பருப்பு - 5

தனியா - 1 டீஸ்பூன்

வெந்தயம் - 1/2 டீஸ்பூன்

பெருங்காயம் - சிறிதளவு

பட்டை - 1 துண்டு

இலவங்கம் - 2

மிளகாய் வற்றல் - 6

தேங்காய்த்துருவல் - 2 டேபிள் ஸ்பூன்

கடுகு - 1/2 டீஸ்பூன்

உளுத்தம் பருப்பு - 1 டீஸ்பூன்

கடலைப் பருப்பு - 2 டீஸ்பூன்

உப்பு - தேவையான அளவு

செய்முறை :

* கீரையை கழுவி சுத்தம் செய்து வெங்காயம், கீரை இரண்டையும் பொடியாக நறுக்கிக் கொள்ளவும்.

* அரிசியை பத்து நிமிடம் ஊற வைக்கவும்.

* வாணலியில் ஒரு டீஸ்பூன் எண்ணெய் விட்டு தனியா, வெந்தயம், பெருங்காயம், இலவங்கம், பட்டை, மிளகாய் வற்றல் முதலியவற்றை வறுத்து கடைசியில் தேங்காய் துருவலையும் சேர்த்து வறுத்து பொடி செய்யவும்.

* அரிசியை உதிரியாக வேக வைத்து ஆற வைக்கவும்.

* வாணலியில் எண்ணெய் விட்டு சூடானதும் கடுகு, உளுத்தம் பருப்பு, கடலைப் பருப்பு, வெங்காயம் சேர்த்து மூன்று நிமிடம் கிளறி கீரையை சேர்க்கவும்.

* கீரை வதங்கியதும் அதில் ஆற வைத்த சாதம், உப்பு, மசாலாப் பொடி சேர்த்துக் கலந்து இறக்கி,எலும்மிச்சம்பழச்சாற்றை பிழிந்து விடவும்.

* வறுத்த முந்திரியை மேலே தூவிப் பரிமாறவும்.